Një makine i është vënë flaka në lagjen 15 tetori të Fierit. Sipas policisë rreth orë 11:45 minuta një person ende i pa identifikuar ka qëlluar armë zjarri në drejtim të lokalit të shtetasit A. Boricci, në lagjen 8 shkurti të Fierit.<br /><br />Nga të shtënat nuk ka persona të lënduar por vetëm dëme materiale ku janë thyer vetëm xhamat e lokalit. Makina është larguar me shpejtësi në drejtim të Semanit dhe rreth orës 11:50 është gjetur në flakë në lagjen "15 Tetori" të Fierit.<br /><br />Ndërkohë brenda makinës së shkrumbuar është gjetur edhe arma tip kallashnikov me silenciator me të cilën është shtënë në drejtim të lokalit të shtetasi A. Borici.<br /><br />Makina është me targa greke YNK 1329, ende nuk ka të dhëna se kujt i përket ky automjet, ndërsa grupi hetimor është në vendin e ngjarjes dhe po bën verifikimet për të zbuluar shkakun se për çfarë është qëlluar drejt këtij lokali.
