Në Rinas ka mbërritur një avion me 30 shqiptarë të deportuar nga Franca dhe Belgjika. Zv/drejtoresha e Përgjithshme e Policisë së Shtetit, Aida Hajnaj, gjatë një pronocimi për median theksoi se Policia e Shtetit, edhe për vitin 2018, do të vijojë zbatimin e masave shtesë për parandalimin e fenomenit të azilkërkimit.<br /><br />Në një njoftim për mediat, policia thotë se si rezultat i bashkëpunimit dhe koordimimit me Frontex dhe policitë homologe, është bërë e mundur që nga 1 janari deri në 10 prill 2018 të deportohen 4492 shqiptarë të parregullt, nga vendet e BE-së.<br />"Ndërkohë, që prej gushtit 2017, vijon zbatimi i planit të masave për parandalimin e këtij fenomeni, dhe në këtë kuadër, në të gjitha pikat e kalimit kufitar, nuk janë lejuar të kalojnë të gjithë ata shtetas që nuk përmbushnin kushtet për të udhëtuar në zonën Schengen.<br /><br />Po në kuader të masave parandaluese, gjatë kësaj periudhe janë proceduar 80 shtetas shqiptarë që kanë tentuar të kalojnë kufirin me dokumenta të falsifikuara", thuhet në njoftim.<br /><br />Masat janë forcuar edhe në kufirin jeshil, ku si rezultat i patrullimeve janë kapur rreth 700 shqiptarë që kanë tentuar të kalojnë kufirin në mënyrë të paligjshme.<br /><br />Policia e Shtetit shprehet e vendosur që të zbatojë me rigorozitet masat shtesë, deri në parandalimin e fenomenit të azilkërkimit./tvklan.al
