Greqia nuk do të ndryshojë qëndrim për Pavarësinë e Kosovës. Shefi i diplomacisë greke, Nikos Kotzias ka vizituar Serbinë ku ka thënë se Greqia ka bërë marrëveshje për hapjen e një zyre tregtare të Kosovës në Athinë, por kjo nuk ka të bëjë me ndryshim qëndrimesh.<br /><br />"Marrëveshjet duhen zbatuar, jo vetëm në mënyrë të njëanshme, por në tërësi dhe këtë të gjithë duhet ta kenë parasysh. Zyra tregtare e Kosovës nuk do të jetë përfaqësi diplomatike".<br /><br />Kotzias ka thënë se me Maqedoninë është bërë progres mjaft i madh në gjetjen e zgjidhjes. Homologu i tij serb tha se për Kosovën nuk ka ndryshime, por Serbia mund të ofrojë takime Shkup-Athinë.<br /><br />"Jugosllavia e atëhershme ka krijuar marrëdhënie me Maqedoninë pasi ajo ka qenë ish-republikë jugosllave siç e thotë edhe emri. Mendoj se nuk ka qenë një vendim i menduar mirë. Sjellja e Shkupit ndaj interesave tona nuk ka qenë e duhur. Ne jemi për zgjidhje dhe ajo që mund të bëjmë është të ofrojmë takime edhe tek ne".<br /><br />Kryediplomati grek në takim me presidentin, Aleksandër Vuçiç, ka thënë se Bashkimi Evropian është garanci për rajonin dhe kësaj pjese i nevojitet bashkëpunim.
