Delegacioni i Bashkimit Europian në Tiranë reagon pas akuzave të ish-Kryeministrit Sali Berisha, se Ambasadorja Romana Vlahutin i kishte kërkuar ish-Kryeprokurorit, Adriatik Llalla arrestimin e tij. Delegacioni iu përgjigj Televizionit Klan lidhur me këtë çështje duke mos pranuar të komentojë deklaratat e ish-Kryeministri, të cilat i quajti trillime të pabaza.<br /><br />"Bashkimi Europian nuk komenton rreth trillimeve, të cilat janë krejtësisht të pabaza?<br /><br />Në një intervistë në studion e ABC News, ish-Kryeministri tha se Llalla ia kishte raportuar ish-Presidentit Nishani kërkesën e zonjës Vlahutin, ndërsa ai vete e kishte mësuar nga diplomatë të huaj.<br /><br />Berisha nuk bëri komente për letrën Llallës drejtuar Senatit Amerikan, por e gjen të pa vend deklaratën e Ambasadorit Donald Lu pas publikimit të saj. Ish-Kryeministri akuzon drejtpërdrejt ambasadorët Lu dhe Vlahutin se ndihmuan Ramën të kapte Reformën në Drejtësi.<br /><br />Tv Klan
