Arben Imami, anëtar i kryesisë së PD-së, pas mbledhjes së sotme ku u diskutuan ndryshimet statutore të partisë pati një qëndrim për mediat, ku nuk la pa thumbuar edhe kryetarin Lulzim Basha lidhur me çështjen e lobimit rus.<br /><br />Imami tha se kishte këkruar që në parti të ngrihej një bord për kontrollimin e financimeve dhe shpenzimeve të partisë.<br /><br />I pyetur nëse kërkesat e tij u morrin parasysh, Imami tha se ato ishin mbajtur shënim.<br /><br />Sa për ndryshimet statusore që u diskutuan në kryesi, Imami tha:<br /><br />Problemet e statutit janë dhe problemet e partisë. Këshilli Kombëtar do të marri një autonomi, të ketë një komision zgjedhor në parti për zgjedhjen e kryetarit, duhet vendosur qartë sa palë zgjedhje duhet të vendosi një kryetar që të ikë nga kryesia, të bëhet një deklarim statutor.<br /><br />Dokumenti politik ishte një përpjekje për të vazhduar. Më tej ndryshimet, nuk është e nevojshme që kryetar i partisë të zgjidhet çdo 2 vjet, dhe nëse humb zgjedhjet, ai duhet të largohet. Propozova që të krijohet një bord që të kontrollojë financimet dhe shpenzimet e partisë.
