Subscribe në Ora News këtu http://bit.ly/1s5j7UT<br />Afro 100 hektarë tokë në vijën bregdetare të Vlorës është përfituar padrejtësisht, me anë të falsifikimit të dokumenteve dhe veprimeve të tjera korruptive. Burimet nga Task-Forca e Policisë së Shtetit bëjnë me dije se 7 persona janë në hetim, duke përfshirë zyrtarët dhe përfituesit.<br /><br />Hetimet intensive nga Task-Forca e Policisë së Shtetit, kanë nxjerrë zbuluar abuzimet me afro 100 hektarë tokë, përgjatë vijës bregedare të Vlorës.<br /><br />Burimet policore thanë për Ora News se nga verifikimi i dokumentacionit, por edhe nga marrja e ankesave të qytetarëve në platformën e bashkëqeverisjes, ka rezultuar se këto parcela janë përfituar padrejtësisht nga persona, të cilët kanë vepruar në bashkëpunim me zyrtarë lokalë.<br /><br />Në total janë në hetim 7 persona, përfitues dhe zyrtarë, të cilët akuzohen për falsifikim dokumentesh dhe abuzim me detyrën, ndërsa dosja pritet të plotësohet me prova edhe nga prokuroria.<br /><br />Nga të njëjtat burime policore rezulton se 100 hektarët në fjalë që shtrihen nga Vlora drejt Himarës, janë përfituar përgjatë 16 viteve të fundit.<br /><br />Në disa raste dyshohet se këto prona janë përfituar edhe nga gjykatës apo prokurorë, apo nga familjarët e tyre.<br /><br />Nga ana tjetër janë shqyrtuar edhe dokumentet e paraqitura si prova në proceset gjyqësore mes atyre që pretendojnë se janë pronarë dhe përfituesve aktualë. <br />Për më shumë lexoni në: <br />http://oranews.tv/article/disa-gjyqtare-e-prokurore-dyshohen-si-perfitues-te-paligjshem-te-tokave-ne-bregdetin-e-vlores
