Subscribe në Ora News këtu http://bit.ly/1s5j7UT<br /><br />Bashkia e Tiranës do të vijojë bashkëpunimin me Veronën por këtë herë në modernizimin e transportit publik dhe ndriçimit. Teksa takoi në Itali homologun Federico Sboarina, kryetari i Bashkisë së Tiranës Erion Veliaj tha se nëse privatët nuk do modernizojnë mjetet bashkia do të nis zëvendësimin e linjave private.<br /><br />Nese linjat private të transportit publik nuk do të bëjnë modernizimin e mjeteve duke i kthyer ato në elektrike, Bashkia e Tiranës do të nisë zëvendësimin e tyre.<br /><br />Kështu u shpreh nga Verona, kryetari Erion Veliaj teksa zhvilloi një takim me homologun Federico Sboarina.<br /><br />Veliaj njoftoi se bashkëpunimi me Veronën do të intensifikohet përmes dy marrëveshjeve te reja atë në fushën e transportit dhe ndriçimit.<br /><br />Veliaj: Po studiojmë mënyrën se si edhe me ndriçimin e qytetit, edhe me transportin publik, të ecim përpara. Ashtu siç kam premtuar, nëse privatët nuk do modernizojnë flotën e mjeteve, duke i kthyer ato në elektrike, bashkëpunimi me Veronën është prova konkrete që kemi nisur për të zëvendësuar shumë prej linjave private. Ashtu siç bëjmë më mirë pastrimin e qytetit, ashtu do të bëjmë edhe transportin publik.<br /><br />Kryetari i Bashkisë së Veronës nënvizoi bashkëpunimin e ngushtë me Tiranën.<br /><br />Sboarina: Në Tiranë pata një mikpritje të pabesueshme. Munda të shoh për herë të parë një qytet me një energji të madhe, që po rritet vërtet me shpejtësinë e dritës. U takuam edhe me Presidentin e rajonit të Venetos, Luza Zaia, me të cilin diskutuam projekte të rëndësishme. Gjëja më thelbësore është se u krijua një raport i vërtetë mes dy kryetarëve të bashkive, të cilët e duan tokën e tyre dhe kështu mund të ndërtojnë së bashku diçka të rëndësishme.<br /> <br />Për më shumë lexoni në: http://oranews.tv/article/bashkia-e-tiranes-marreveshje-me-veronen-transportin-dhe-ndricimin
