Prej 5 vitesh punimet në bypass-in që lidh Lushnjën me Fierin, e në vijim drejt Vlorës, janë ndërprerë. Në vendin ku janë bërë punimet ka mbirë sërish bari. Banorët e zonave ku kalon rruga janë mjaft të shqetësuar, pasi kjo rrugë ju ka shkaktuar mjaft probleme. Ata thonë:<br /><br />Tokat e marra nga shteti për të ndërtuar rrugën akoma nuk janë kompensuar. Edhe pse kanë kaluar më shumë se 4 vite, qeveria nuk ka akorduar asnjë fond për ne.<br /><br />Banorët e Fierit<br />Sikur të mos mjaftojnë dëmshpërblimet, rrugët e fshatrave në njësinë administrative Dermenas, thuajse janë bërë të pakalueshme, pasi gjithçka është drejtë shkatërrimit.<br /><br />Edhe kompanitë të cilat kanë bërë punimet, akoma nuk kanë marrë lekët për punët e kryera.<br /><br />Përfaqësues të firmës<br />Bypasi i Fierit do të vijojë të jetë në vend numëro, pasi qeveria nuk ka marrë masa për rifillimin e punimeve për këtë rrugë. Nga ana tjetër, edhe firmat nënkontraktore që nuk janë paguar për punët e kryera, kanë deklaruar se nuk do të lejojnë askënd të punojë pa u bërë pagesat e tyre.
