Subscribe në Ora News këtu http://bit.ly/1s5j7UT<br />Djemtë kuksianë ngelën ende në burg. Dhe nuk janë vetëm ata, në Shqipërinë e sotme, që po afron përherë e më shumë me Shqipërinë socialiste të diktaturës së dikurshme.<br /><br />E kollajshme për të shkuar prapa hekurave dhe e vështirë për të dalë prej tyre, nëse nuk je një vrasës serial, nëse nuk ke miq të fuqishëm në politikën që është në pushtet apo nëse nuk e gjen dot korridorin e duhur për të paguar me para në dorë, personin e duhur?<br /><br />Djemtë protestues të Kukësit, duken sot të harruar, muri i shurdhët i Gjykatës së Kukësit, duket se ka korrur një fitore të heshtur, familjarët janë demoralizuar, opinion publik shqiptar është dembel, memec apo i pakët në numër.<br /><br />Procedurat burokratike të së ashtuquajturës drejtësi shqiptare, janë një taktikë e mirëfilltë, për të fituar kohë dhe për të studiuar se kush do të fitojë nga palët politike dhe se kush do të ketë rolin vendimtar te Vettingu.<br /><br />Opozita është e paqartë dhe u largua shpejt nga protesta për lirimin e të burgosurve kukësianë.<br /><br />A kanë bythë opozitarët të vendosin krevatet dhe çadrat e tyre, në dyert e burgut dhe të Gjykatës që ka dhënë një vendim të padrejtë?<br /><br />A i shoqërojnë opozitarët shqiptarë, fjalët bombastike me veprat e duhura të një proteste, të një greve urie, të një sakrifice në emër të një Kodi Moral, të shkelur me këmbë nga Gjykata e kukësit dhe nga Prokuroria?<br /><br />Duket se jo!<br /><br />Është e gjatë lista e kriminelëve të lirë apo të liruar kundrejt pagesës korruptive dhe mbështetjes elektorale të bandave të tyre.<br /><br />Pse nuk botohet kjo listë nga opozitarët?<br /><br />Popullin në këmbë e ngrenë vetëm të vërtetat e mëdha dhe të rrezikshme, të cilat denoncohen me guxim në publik.<br /><br />Ndryshe publiku rri më së shumti në shtëpi?<br /><br />Të pafajshmit në burg, kriminelët në liri? kjo është Shqipëria Europiane?<br /><br />Me sa duket:?Po!?<br /><br />Videoja e plote e emisionit: https://www.youtube.com/watch?v=cwSwU8X866E<br /><br />Për më shumë lexoni në: <br />http://oranews.tv/article/editorial-e-360-grade-te-pafajshmit-ne-burg-kriminelet-ne-liri-kjo-eshte-shqiperia-europiane
