Zv/Kryeministrja, Senida Mesi dhe Ministrja e Shëndetësisë, Ogerta Manastirliu, zhvilluan sot një takim në tryezë publike për procesin e reformimit të sistemit shëndetësor. Reforma në administratën publike ka hyrë në një fazë të re, me ristrukturimin e institucioneve në të gjitha nivelet, me synim, krijimin e një administrate sa më efiçente, në shërbim të nevojave të qytetarëve.<br /><br />Në Ministrinë e Shëndetësisë dhe Mbrojtjes Sociale u zhvillua sot një tryezë publike me institucionet e varësisë të këtij dikasteri për të diskutuar në lidhje me thellimin e procesit të ristrukturimit, tryezë ku merrte pjesë gjithashtu edhe ZëvendësKryeministrja e Republikës së Shqipërisë, Senida Mesi, që ka udhëheqjen politike të këtij procesi dhe Albana Koçiu, drejtoreshë e Departamentit të Administratës Publike.<br /><br />Ministrja e Shëndetësisë dhe Mbrojtjes Sociale, Ogerta Manastriliu,gjatë fjalës së saj u ndal te rëndësia e një bashkimi jo mekanik mes dy fushave të përgjegjësisë që tashmë ka kjo ministri, por tek orientimi i strukturës së re drejt plotësimit të nevojave të qytetarëve në kohë dhe me cilësi.<br /><br />Qytetarët kërkojnë shërbim shëndetësor dhe social të sigurtë, cilësor, në kohë dhe pranë vendbanimit. Ndaj, me vëmendjen e veçantë të Kryeministrit, Qeveria shqiptare ka nisur tashmë reformën në administratën publike me synim ndërtimin e një administrate që bën gjënë e duhur dhe që është e fokusuar te shërbimet për qytetarët; një administratë që garanton qëndrueshmëri të rezultateve dhe mbi të gjitha operon me të njëjtin standard.<br /><br />Ministrja e Shëndetësisë dhe Mbrojtjes Sociale, Ogerta Manastirliu<br />Zv/Kryeministrja Mesi theksoi në fjalën e saj se nevoja për ndryshime në strukturën e institucioneve e cila vjen si rrjedhojë e riformatimit të kabinetit qeveritar, por edhe e problematikave të shfaqura ndër vite për mënyrën e organizimit funksional dhe strukturor.<br /><br />Për ne si Qeveri është me rëndësi orientimi nga qytetari sepse ata kanë pritshmëri të larta nga institucionet qeverisëse të vendit. Ndaj i gjithë procesi reformues duhet të orientohet drejt këtij qëllimi fundor: Të rritet mirëqënia e qytetarëve.<br /><br />Zv/Kryeministrja, Senida Mesi
