Subscribe në Ora News këtu http://bit.ly/1s5j7UT<br />Zbatimi i reformës në drejtësi ka sjellë neglizhencë në radhët e prokurorëve të Krimeve të Rënda. Në raportin për vitin 2017 që Krimet e Rënda i dorëzuan Prokurores së Përgjithshme të Përkohshme, theksohet gjithashtu se janë ulur hetimet për trafikun e narkotikëve dhe të korrupsionit.<br /><br />Në raportin që Prokuroria e Krimeve të Rënda i dorëzoi Prokurores së Përgjithshme të Përkohshme theksohet neglizhenca e prokurorëve për shkak të zbatimit të reformës në drejtësi. <br /><br />Kreu i kësaj prokurorie, Besim Hajdarmataj, i shkruan Arta Markut në raport se ?janë evidentuar luhatje të angazhimit dhe vullnetit në punë si rezultat i ndryshime kushtetuese dhe ligjeve paketë të reformës në drejtësi, ku parashikohet dhe ndryshimi i funksionimit të Prokurorisë Për Krime të Rënda". <br /><br />Sipas këtij raporti, një tjetër arsye e zvarritjes së hetimeve dhe neglizhencës në kryerjen e këtyre hetimeve është edhe lëvizja e shpeshtë e oficerëve të policisë gjyqësore, çka shpesh herë ka sjellë dhe pamundësi për zbardhjen e përgjimeve të cilat do të ndihmonin në luftën ndaj kriminalitetit. <br /><br />Më tej Hajdarmataj bën përgjegjës edhe klasën politike për rezultatet e hetimeve, pasi sipas tij akuzat se të gjithë janë të korruptuar ka demotivuar prokurorët. <br /><br />Nga ana tjetër, në raport theksohet se është vënë re mungesë referimesh dhe vullneti për tu bërë pjesë e hetimit të veprave penale në kompetencë të kësaj Prokurorie, megjithëse kishte një rritje të veprave penale të krimit të organizuar, kryesisht në trafikimin e narkotikëve. <br /><br />?Për vitin 2017 janë referuar për hetime proaktive 30 referime nga Polica e Shtetit?- thuhet gjithashtu në raport. <br /><br />Ndërkaq, theksohet se është evidentuar në shifra minimale referimi i veprave penale të korrupsionit të zyrtarëve të lartë dhe të zgjedhurve vendorë me 3 referime dhe në sistemin e drejtësisë 7 referime edhe këto me mangësi në të dhëna.<br /> <br />Për më shumë lexoni në: http://oranews.tv/article/hajdarmataj-markut-prokuroret-shmangen-pune-shkak-te-reformes-ne-drejtesi
