Subscribe në Ora News këtu http://bit.ly/1s5j7UT<br /><br />Një zjarr i madh ka përfshirë një fabrikë të riciklimit të mbetjeve në zonën e Mëzesit në Tiranë.<br /><br />Në vendin e ngjarjes kanë shkuar forcat e zjarrfikëses dhe policia, të cilat po punojnë për shuarjen e flakëve.<br /><br />Në vendin e ngjarjes kanë shkuar 7 forca zjarrfikëse të Bashkisë së Tiranës, ndërsa prefektja Suzana Jahollari kërkoi ndihmën edhe të tre zjarrfikëseve të ushtrisë për të bërë të mundur shuarjen e flakëve.<br /><br />Banorët e zonën shprehin shqetësim për situatën duke pretenduar se zjarri rrezikon banesat e tyre, përveç ndotjes që është tejet e madhe për shkak të djegies së plastikës.<br /><br />Kreu i zjarrfikëses në Tiranë, Shkëlqim Gonxhaj, deklaroi se për momentin, forcat e fikjes së zjarrit po përqendrohen për të parandaluar përhapjen e flakëve në magazinën ngjitur të fabrikës së riciklimit. <br /><br />Ai shtoi se kompania nuk ka marrë masa për sistemin e mbrojtjes nga zjarri. <br /><br />Duke qenë se zjarri është tejet i madh është kërkuar ndihma e zjarrfikëseve nga Kruja dhe nga Durrësit.<br /><br />Në zonë është ndërprerë edhe energjia elektrike.<br /><br />Ende nuk dihen motivet e zjarrit të madh që lëshon shtëllunga të mëdha tymi në ajër.<br /><br />Kjo është hera e dytë që kjo fabrikë është përfshirë nga zjarri dhe në të dyja rastet ka pasur dëme të shumta materiale. <br /><br />Megjithëse pranë vatrës së zjarrit kanë shkuar forca të shumta zjarrfikëse, situata nga zjarri vazhdon të jetë e nderë.<br /> <br />Për më shumë lexoni në: http://oranews.tv/article/zjarr-i-madh-ne-fabriken-e-riciklimit-ne-kashar
