?Nuk kam lidhje me vrasjen e Mario Majollarit, por qenë pranë vendit ku është, pasi 50 metër me larg kam vjehrrën?.<br /><br />Ky është deklarimi i Kastriot Gjuzi, përballë Gjykatës së Tiranës, e cila caktoi këtë të diel masën e sigurisë burg pa afat për të.<br /><br />Gjuzi ka deklaruar gjithashtu se ditën që është arrestuar ka qenë duke u kthyer nga Kosova në Shqipëri me dëshirën e tij, dhe nuk po tentonte të arratisej.<br /><br />Më tej ai tha para gjykatës se ishte larguar nga shtëpia, pasi kishte parë forca të shumta policie dhe kishte menduar se mos nipërit e tij kishin bërë ndonjë konflikt. Ky version u pohua para mediave edhe nga avokati.<br /><br />Prokuroria i paraqiti si provë gjykatës faktin se makina e Gjuzit, ishte parë ne vendin e ngjarjes perpara vrasjes se Majollarit.<br /><br />Po ashtu, sipas prokurorisë, makina ishte gjetur e ndezur dhe e ngrohtë pranë shtëpisë së tij në Tufinë kur policia shkoi ta arrestonte, ndërsa Gjuzi nuk ndodhej në banesë.<br /><br />Mbrojtja thotë se këto prova janë të pamjaftueshme.<br /><br />Por gjykata nuk mori parasysh pretendimin e të akuzuarit se nuk kishte lidhje me vrasjen dhe vendosi ta lerë në burg deri në fund të hetimeve.<br /><br />40-vjeçari nga Tufina dyshohet se mbrëmjen e 10 Prillit e qëlloi për gjakmarrje Marjo Majollarin. Babai i viktimës, Avni Majollari kishte vrarë vëllain, Ilir Gjuzin dhe një person tjetër, gjatË një konflikti për motive banale, në zonën e Dajtit, nË vitin 2000.
