Subscribe në Ora News këtu http://bit.ly/1s5j7UT<br />Policia ka nisur hetimet në lidhje me zjarrin e përmasave të mëdha që shpërtheu rreth orës 10:00 të së dielës në fabrikën e riciklimit të mbetjeve në zonën e Kasharit në Tiranë.<br /><br />Grupi i hetimit ka marrë në pyetje punonjësit e sigurisë që duhej të ruanin objektin ku ra zjarri që për më shumë se tri orë ndoti me tym të zi thuajse gjithë Tiranën.<br /><br />Ata kanë thënë se zjarri ka rënë në kohën kur në fabrikë ende nuk kishte nisur puna çka përjashton mundësinë e një ngjarje aksidentale gjatë përpunimit të mbetjeve.<br /><br />"Punëtorët ishin jashtë fabrikës kur pamë tymin në mes të saj dhe njoftuam zjarrfikëset", kanë thënë punonjësit në polici. <br /><br />Për rreth tre orë të dielën, zjarrfikëset nga Tirana dhe Vora, të ndihmuara edhe me bote uji nga ndërmarrja e Ujësjellës Kanalizime në bashki luftuan flakët e zjarrit të shkaktuara nga plastika, duke sjellë ndotje të konsiderueshme të ajrit në zonë.<br /><br />Prefektja Suzana Jahollari kërkoi ndihmën e tri zjarrfikëseve të ushtrisë për shuarjen e flakëve.<br /><br />Banorët e zonës shprehën shqetësim për situatën duke pretenduar se zjarri rrezikonte shtëpitë, përveç ndotjes që ishte tejet e madhe për shkak të djegies së plastikës.<br /><br />Kreu i zjarrfikëses në Tiranë, Shkëlqim Goxhaj, deklaroi se pas fikjes së zjarrit do punohet për të përcaktuar shkaqet e tij. <br />Për më shumë lexoni në: <br />http://oranews.tv/article/hetimet-zjarrin-ne-fabrike-punonjesit-puna-nuk-kishte-nisur-ende
