Subscribe në Ora News këtu http://bit.ly/1s5j7UT<br /><br />Ervin Memo, 38 vjeçari i cili i shpëtoi mrekullisht atentatit të së shtunës në Fier në dëshminë e dhënë para hetuesve ka theksuar se ai nuk ka konflikte të tjera veç proceseve gjyqësore që kanë të bëjnë për probleme pronësie.<br /><br />Por në dëshminë e dhënë, ai nuk ka pranuar që të akuzojë një person konkret. Kjo, pasi sipas tij konfliktet nuk kishin qenë aq të ashpra se të dyshonte se dikush mund ta vriste. <br />Në lidhje me ngjarjen, 38 vjeçari është shprehur se shpërthimi ka ndodhur menjëherë sapo ka ndezur automjetin e tij. Në pak sekonda, mjeti është copetuar si pasojë e shpërthimit.<br /><br />Gjithashtu nga verifikimet paraprake është konkluduar se Memo përdorte kryesisht mjete të tjera për të qarkulluar, ndersa Benzin me targa AA 270 IV e linte të parkuar para shtëpisë së tij, aty ku edhe ndodhi ngjarja e rëndë. <br />Megjithatë për të dhënë dëshminë e tyre janë shoqëruar të gjithë personat me të cilët Memo kishte probleme pronësie. Teksa përfaqësuesit e akuzës kanë ngritur dhe pista të tjera të hetimit.<br /><br />Nga ana tjetër, ekspertët e kriminalistikës po punojnë për të verifikuar dinamikën e ngjarjes dhe për të përcaktuar momentin kur është vendosur lënda shpërthyese në automjet. <br />Familja e 38-vjecarit ka trashëguar troje në qytetin e Fierit, pranë Unazës së Re, ku është ndërtuar edhe një pallat që është në proces legalizimi.<br /> <br />Për më shumë lexoni në: http://oranews.tv/article/atentati-me-eksploziv-ne-fier-deshmon-38-vjecari
