Subscribe në Ora News këtu http://bit.ly/1s5j7UT<br /><br />Burg përjetë është kërkesa e prokurorisë së Shkodrës për Miklovan Parubin, 33 vjeçarin e akuzuar për vrasje të dyfishtë dhe plagosjen katër të tjerë në fshatin Dajç dy vite më parë. Ngjarja e rëndë ndodhi pas një loje pokeri pjesë e të cilës ishte edhe vetë autori. Prokuroria kërkon 20 vjet burg për Marçel Shpijatin, po ashtu të përfshirë në ngjarje, pasi ky i fundit pranoi të bashkëpunojë me drejtësinë.<br /><br />Prokuroria e Shkodrës kërkon burg për jetë në gjykatë për Miklovan Parubin, autorin e masakrës së Dajçit rreth dy vjet më parë ku mbetën të vrarë dy persona. <br /><br />33 vjeçari i akuzuar për vrasjen e dyfishtë në 3 tetor të vitit 2016 plagosi katër të tjerë, pas një loje pokeri që përfundoi me breshëri kallashnikovi.<br /><br />Viktima të ngjarjes mbeten Arjet Saiti, 42 vjeç dhe Gacalin Kopshtin, 30 vjeç. Ndërsa të plagosur Ndok Markut, Vinçens Kopshtit, Aleks Prendit dhe Kitas Mollës. <br /><br />Këta të fundit, ishin dëshmitarë në proces krahas provave të tjera të prokurorisë mes të cilave edhe pamjet e kamerave të sigurisë të ambientit ku u shënua ngjarja, të siguruara në atë kohë edhe nga Ora News.<br /><br />Bashkëpunëtor në krim sipas akuzës kishte edhe Marçel Shpijati, i cili pranoi të bashkëpunojë me drejtësinë, ndaj organi i akuzës kërkoi për të 20 vjet burg.<br /><br />Seanca gjyqësore e zhvilluar në gjykatën e shkallës së parë u kryesua nga Arben Zefi, Tonin Sterkaj dhe Arber Çela, me prokuror Vat Stakën. <br /><br />Parubi mungoi në gjyq por u përfaqësua nga avokatja Kristina Marku, ndërsa Shpijaku ishte i pranishëm dhe mbrohej nga Blerim Bazhdari. <br /><br />Sipas dosjes së prokurorisë, 33 vjeçari të cilit pas krimit iu kap edhe 1.3 kg kanabis në banesë ishte përdorues droge dhe me luhatje emocionale. <br /> <br />Për më shumë lexoni në: http://oranews.tv/article/masakra-ne-shkoder-prokuroria-kerkon-burg-perjete-miklovan-parubin
