Subscribe në Ora News këtu http://bit.ly/1s5j7UT<br /><br />Në tremujorin e parë të vitit 2018, qytetarët dhe bizneset e kanë pasur më të vështirë për të marrë një kredi. Banka e Shqipërisë raporton se bankat e nivelit të dytë kanë forcuar kriteret por njëkohësisht kanë ofruar edhe interesa më të larta. Por situata parashikohet të përkeqësohet edhe më shumë në muajt në vijim.<br /><br />Të gjithë ata qytetarë dhe biznese që kanë dashur të marrin kredi gjatë 3 muajve të parë të këtij viti janë ndeshur me kritere më të ashpra nga bankat e nivelit të dytë.<br /><br />Banka e Shqipërisë konstaton se situata e përgjithshme e kreditimit në këtë periudhë nuk ka qenë pozitive, ndërsa pritet një përkeqësim i mëtejshëm edhe në muajt në vijim.<br /><br />Standartet e kredisë për individët u shtrënguan sidomos për kreditë për blerje banese dhe për konsum.<br /><br />Ndërsa faktorët që ndikuan në këtë situatë raportohet të jenë kreditë me probleme, kërkesa për më shumë kolateral si dhe tregu i pasurive të paluajtshme.<br /><br />Gjatë tremujorit të parë të vitit me më shumë vështirësi në marrjen e një kredie janë hasur edhe bizneset e vogla dhe të mesme.<br /> <br />Për më shumë lexoni në: http://oranews.tv/article/frenohen-bankat-shtohen-kushtet-te-marre-kredi-rriten-interesat
