Me maxhorancën, LSI nuk pajtohet për mënyrën e të qeverisurit, por kur në diskutim është integrimi i vendit në BE, nuk ka ndasi politike. <br /><br />Kryetari i grupit parlamentar të LSI, Petrit Vasili në studion e Report Tv, u shpreh se lutet që Brukseli të marrë një vendim në favor të Shqipërisë, duke hapur negociatat e anëtarësimit me Shqipërinë. <br /><br />Unë lutem me gjithë zemër që negociatat të hapen për një arsye madhore. LSI e ka pasur integrimin e në ADN-në e vet, kemi bërë gjithçka për integrimin. Kushti ynë për të bërë aleancë me PS në 2013-ën ishin tre ligjet të cilat socialistët i bllokonin. Ky ka qenë kushti ynë i panegociueshëm.<br /><br />Petrit Vasili, kryetar i grupit parlamentar të LSI <br />Nga ana tjetër, Vasili akuzoi qeverinë dhe kryeministri Edi Rama se mbrojnë ish-ministrin e Brendshëm, Saimir Tahiri, ndërsa arrestojnë natën protestuesit kuksianë.<br /><br />?Cili shtet është ai që shkon dhe arreston njerëzit natën. Doli ambasadori amerikan dhe tha se kjo është e gabuar. Këta i arrestojnë natën, si në kohën e sigurimit të shtetit?. <br /><br />Petrit Vasili
