Pas marrëveshjes ndërmjet Prokurorisë së Përgjithshme dhe Ministrisë së Brendshme firmosur më 2 shkurt 2018, Prokuroria përfundon procesin e përzgjedhjes së hetuesve që do të jenë pjesë e strukturës Task Forcë.<br /><br />Deri në këto momente janë bërë publike emrat e prokurorëve të Fierit dhe Tiranës, të cilët do të jenë pjesë e Task Forcës së përbashkët hetimore, ndërsa Report Tv zbardh dhe emrat e Task Forcës së Krimeve të Rënda.<br /><br />Report Tv jo zyrtarisht ka mësuar dhe emrat e prokurorëve nga Krimet e Rënda, që do jenë pjesë e Task Forcës, ku deri në këto momente dhe pse pa firmën zyrtare kanë kaluar Ervin Kondili, prokurori i 613 kg kokainë në Maminas, Ened Nakuçi, prokuror i dosjes Balili, Klodian Braho i seksionit të korrupsionit dhe Sonila Domi.<br /><br />Në Fier janë përzgjedhur tre prokurore, përkatësisht Suela Beluli, Ervisa Hyka dhe Englantina Shehu. Në Tiranë janë përzgjedhur pesë prokurorë, mes tyre Marjola Mërtiti, Ndini Tavani, Anisa Qilimi, Daniela Sula e Afërdita Ndoji.<br /><br />Ndoji është dhe prokurorja e cila 48 orët e fundit u përfshi në hetimet për zbardhjen e ngjarjes tragjike në Kamëz, ku gjatë një grabitje u vra shtetasi Agim Buci dhe në pranga ranë Vladimir Kurti me precedent penal dhe Ruzhdi Hode, si bashkëpunëtor në krim.
