Epidemia e fruthit e rikthyer pas 30 vjetesh në vendin tonë vazhdon të shtojë numrin e të prekurve në radhët e saj.<br /><br />Që prej Janarit kur u zbulua rasti i parë e deri më tani janë infektuar 600 persona shumica e të cilëve fëmije nën 1 vjeç. Si pasojë e fruthit janë regjistruar edhe 2 vdekje në fëmijët të vegjël.<br /><br />Aktualisht në shërbimin infektiv janë të shtruar 10 vogëlushë, 2 prej të cilëve nën moshën 1 vjeç gjenden në terapi intensive për shkak të gjendje se rëndë në të cilën ndodhen.<br /><br />Edhe numri i të rriturve që janë prekur nga kjo sëmundje infektive ka ardhur në rritje.<br /><br />Burime brenda shërbimit infektiv në Qendrën Spitalore Universitare Nënë Tereza bëjnë me dije se çdo ditë paraqiten thuajse 10 persona me shenja të fruthit, 3 deri në 5 prej të cilëve shtrohen.<br /><br />Në spital mbahen vetëm rastet që shfaqin komplikacione, ndërsa pjesa tjetër përcillen për në shtëpi me sugjerimet e nevojshme.<br /><br />Sipas mjekeve infeksionist, të rriturit që janë të prekur nga fruthi i përkasin vitlindjeve 80-90, kohë e cila përkon me mosefikasitetin e vaksinës.<br /><br />Për ekspertët e Shëndetit Publik, numri i të prekurve konsiderohet i lartë, dhe e gjitha kjo situatë ka ardhur si pasojë e mos vaksinimit të fëmijëve në moshën 1 vjeç.
