Vllaznia këtë të diel do të zhvilloje ndeshjen e radhës e cila fare thjeshtë mund të quhet si sfida e mbijetesës. Kuqeblutë do të presin në Shkodër skuadrën e Laçit ku trajneri Ernest Gjoka në deklaratën e tij në këtë prag ndeshje shprehet se pavarësisht situatës së vështirë në të cilën ndodhen ata do të luftojnë deri në fund.<br /><br />Ndërkohë trajneri Gjoka shprehet më tej se pas humbjes me Luftëtarin skuadra ka punuar shumë dhe se do të mundohen të dalin nga kjo krizë pasi Vllaznia nuk e meriton të përjetojë këto momente.<br /><br />Tekniku kuqeblu i pyetur se çfarë do të ndryshojnë ndaj Laçit u shpreh se pikësëpari duhet të ndryshojnë mentalitetin dhe kështu do ja dalin pasi Vllaznia ka mundësi të eci përpara.<br /><br />Në këtë luftë për mbijetese skuadrës kuqeblu nuk i bën punë arritja e një barazimi por vetëm fitorja dhe trajneri Gjoka shprehet se do të luftojnë fort për marrjen e 3 pikëve.
