Subscribe në Ora News këtu http://bit.ly/1s5j7UT<br />Fatjona Memçaj, prokurorja e Apelit në Tiranë, do të dalë të hënën para Komisionit të Pavarur të Kualifikimit, të cilët tashmë kanë skanuar pasurinë e saj. Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale.<br /><br />Trupa gjykuese e Komisionit të Pavarur të Kualifikimit do të dëgjojë të hënën pretendimet e prokurores së Apelit të Tiranës, Fationa Memçaj.<br /><br />Prokurorja e Apelit të Tiranës ka qenë subjekt i deklarimit të pasurisë prej vitit 2003, në atë kohë prokurore e rrethit në Tiranë.<br /><br />Ajo është pjesë e listës prioritare të procesit të vettingut për shkak se është anëtare e Këshillit të Emërimeve në Drejtësi.<br /><br />Arsyeja pse është thirur para KPK-së është mosjustifiimi i pasurisë. Rezulton se Memçaj deklaron dy apartamente banimi në vitin 2003 dhe 2004, më sipërfaqe 97 m2 dhe 96 m2, ku është pronare me vetëm 20 %.<br /><br />Bashkë me bashkëshortin Dashamir Alsula, ata deklarojnë 9 makina, por në vlera nën 6 mijë euro.<br /><br />Nga viti 2004 deri në 2007-n, prokurorja ka deklaruar përveç pagave të familjarëve edhe një depozitë në vlerën e 150 mijë lekë dhe mesatarisht 2 mijë euro kursime vjetore nga pagat.<br /><br />Më tej, vijon deklarimi i pagës së bashkëshortit pranë KQZ dhe pagat e tjera që çifti përfitonte nga mësimdhënia.<br /><br />Të tjera pagesa ata kanë përfituar nga punësimet pranë Presidencës apo Prokurorit të Përgjithshëm.<br /><br />Në 2016 është çelur llogari kursimi nga bashkëshorti në shumën 4001.12 euro.<br /><br />Është marrë kredi, sipas kontratës së datës 16 shkurt 2016 në shumën 408 mijë lekë, e cila është shlyer.<br /><br />Në seancën dëgjimore të së hënës ajo do të përballet me Komisionin e Pavarur të Kualifikimit, i cili përfaqësohet në këtë proces rivlerësimi nga Alma Faskaj, Roland Ilia dhe Firdes Shuli.<br /><br />Gjykatësi i Apelit në Durrës, Besim Trezhnjeva nuk e kaloi provën e verifikimit. <br />Për më shumë lexoni në:<br />http://oranews.tv/article/ne-site-pasuria-e-prokurores-se-apelit-tirane-te-henen-para-kpk
