Subscribe në Ora News këtu http://bit.ly/1s5j7UT<br />Gjykatën e Tiranës dha sot masën e sigurisë "arrest me burg" ndaj dy personave të arrestuar për vrasjen e tregtarit Agim Buci, gjatë tentativës së grabitjes së marketit në Kamëz mbrëmjen e së mërkurës.<br /><br />Trupa gjykuese pranoi kështu caktimin e masës së sigurisë të kërkuar edhe Prokuroria e Tiranës për Ruzhdi Hoden dhe Vladimir Kurtin.<br /><br />Ndaj tyre rëndojnë dy akuza, "vjedhje me pasojë vdekjen" dhe "armëmbajtje pa leje".<br /><br />Para togave të zeza, Kurti dhe Hode kanë pranuar që kanë ikur për të grabitur, ndërsa në lidhje me ekzekutimin akuzojnë njëri-tjetrin.<br /><br />Në kërkim arma e hedhur në lumë<br /><br />Prova kryesore e akuzës deri tani, është dëshmia e shtetasit Ruzhdi Hode i cili ka pranuar krimin duke shpjeguar se pas vrasjes së tregtarit nga Vladimir Kurti, pistoleta e mbështjellë me një rrobe është hedhur poshtë urës së Zgafnorit në lumin e Tërkuzit në përiferi të Tiranës.<br /><br />Pikërisht për shkak të kësaj dëshmie, por edhe rëndësisë që ka arma e krimit në cilësinë e provës materiale, për tri ditë me radhë policia ka vazhduar kërkimet në lumë deri pranë Zall-Herrit.<br /><br />Megjithë kërkimet e deritanishme të polumbarëve, arma tip TT e përdorur në vrasjen e 52-vjeçarit dhe plagosjen e bashkëshortes së tij 44 vjeçe, Merita Buci, ende nuk është gjetur.<br /><br />Nga ana tjetër, Vlamidir Kurti, nuk ka dhënë detaje për krimin por ka shprehur pendesë për vrasjen e Agim Bucit dhe plagosjen e të shoqes brenda marketit.<br /><br />Një tjetër provë e prokurorisë janë edhe pamjet filmike të kamerave, ku dy grabitësit që hynë në dyqan kanë ngjashmëri fizike me dy të arrestuarit Vladimir Kurti, i cili mendohet se ka qëlluar viktimën dhe bashkëpunëtori i tij Ruzhdi Hodo.<br /><br />Policia ka shpallur në kërkim edhe tre persona të tjerë që mendohet se kanë qenë në dijeni të planit kriminal.<br /><br />Deri tani këta shtetas akuzohen vetëm për moskallëzim krimi por hetuesit thonë se pozita e tyre mund të rëndohet në rast se rezultojnë të implikuar në gjetjen e armës apo sigurimin e automjetit që autorët përdorën për tu larguar nga vendi i krimit. <br />Për më shumë lexoni në:<br />http://oranews.tv/article/vrasja-e-tregtarit-ne-kamez-pritet-masa-e-sigurise-dy-te-arrestuarit
