Subscribe në Ora News këtu http://bit.ly/1s5j7UT<br />Dy të rinjtë e ndaluar me akuzën e vrasjes së Agim Bucit në Kamëz dolen sot para togave të zeza për tu njohur me masën e sigurisë. <br /><br />Përfaqësuesi i prokurorisë në seancë ka kërkuar masën e arrestit me burg për Vladimir Kurtin dhe Ruzhdi Hodën, të cilët tentuan të grabisnin një minimarket në Kamëz, por hasën në rezistencën e pronarëve. <br /><br />Prokuroria akuzon Kurtin se në tentativë grabitje vrau pronarin e lokalit Agim Buci 52 vjeç, ndërsa gruaja mbeti e plagosur. <br /><br />Teksa Hoda është akuzuar si bashkëpunëtor në krim. Gjatë paraqitjes së dokumenteve është bërë e ditur se autorët janë zbuluar nga automjeti që kanë përdorur, ndërsa pas ngjarjes janë vënë në përgjim. <br /><br />Por ndërsa në dëshminë e tij në polici Kurti ka pranuar ngjarjen, para gjykatëses Shefkie Demiraj kanë dhënë argumente kontradiktore përsa i përket përsonit që qëlloi me armë ndaj Bucit. <br /><br />Në përfundim të procesit, gjykatësja vendosi "arrest me burg" për të dy të akuzuarit. <br /><br />Teksa policia dhe prokuroria kanë bërë të ditur se do të mbështeten në pamjet filmike të biznesit për të përcaktuar se cili nga të dy personat ka qëlluar me armë. <br /><br />Nga ana tjetër, kërkimet për amën e krimit vazhdojnë ende.<br /><br />Në kërkim arma e hedhur në lumë<br /><br />Prova kryesore e akuzës deri tani, është dëshmia e shtetasit Ruzhdi Hode i cili ka pranuar krimin ne polici duke shpjeguar se pas vrasjes së tregtarit nga Vladimir Kurti, pistoleta e mbështjellë me një rrobe është hedhur poshtë urës së Zgafnorit në lumin e Tërkuzit në përiferi të Tiranës.<br /><br />Pikërisht për shkak të kësaj dëshmie, por edhe rëndësisë që ka arma e krimit në cilësinë e provës materiale, për tri ditë me radhë policia ka vazhduar kërkimet në lumë deri pranë Zall-Herrit.<br /><br />Megjithë kërkimet e deritanishme të polumbarëve, arma tip TT e përdorur në vrasjen e 52-vjeçarit dhe plagosjen e bashkëshortes së tij 44 vjeçe, Merita Buci, ende nuk është gjetur.<br /><br />Policia ka shpallur në kërkim edhe tre persona të tjerë që mendohet se kanë qenë në dijeni të planit kriminal.<br /><br />Deri tani këta shtetas akuzohen vetëm për moskallëzim krimi por hetuesit thonë se pozita e tyre mund të rëndohet në rast se rezultojnë të implikuar në gjetjen e armës apo sigurimin e automjetit që autorët përdorën për tu larguar nga vendi i krimit. <br />Për më shumë lexoni në:<br />http://oranews.tv/article/vrasja-e-tregtarit-ne-kamez-pritet-masa-e-sigurise-dy-te-arrestuarit
