Prodhuesit e bukës kërkojnë që çmimi i energjisë elektrike të jetë i njëjtë si për furrat e thjeshta ashtu edhe për ato që ofrojnë edhe prodhime të tjera brumi përfshirë edhe pastiçeritë. <br /><br />Aktualisht vetëm furrat që furnizohen me tension të ulët kanë një çmim energjie të reduktuar prej 7.6 lekë për kilovat/orë. <br /><br />Sipas shoqatës së prodhuesve të bukës, në këtë kategori nuk janë të përfshira të gjitha furrat, por vetëm ato që nuk kanë pajisje frigoriferike. Pjesa tjetër e subjekteve paguajnë një çmim energjie prej 14 lekësh për kilovat/orë, i cili është sa dyfishi i tarifës për furrat e bukës.<br /><br />Një pjesë e furrave kanë paralajmëruar rritje të çmimit të bukës për shkak të kostove, shtuar edhe faturat e energjisë. Por, për disa tregtar rritja e çmimit, mbi 80 lekë që kushton aktualisht një bukë masive, do të ulte shitjet, duke marrë në konsideratë faktin ka qytetarë që presin të blejnë bukët e ftohta me gjysmë çmimi.<br /><br />Shoqata e prodhuesve të bukës i ka kërkuar ministrit të Energjisë, Damian Gjiknuri, që për furrat e tregtimit të bukës, ëmbëlsirave dhe byrektoreve, tarifa e çmimit të energjisë të jetë prej 8.2 lekë për kilovat/orë. Në rast se kjo kërkesë nuk do të merret parasysh, prodhuesit paralajmërojnë rritje të çmimit të bukës.
