?I kërkojmë falje për këtë tragjedi familjes Buci që i shkaktoi ish- djali im.?<br /><br />Por familjarët e Agim Bucit të vrarë gjatë grabitjes në supermarketin e tij në Kamëz e kanë refuzuar këtë ndjesë publike të babait të autorit të vrasjes. Në intervistën dhënë për Tv Klan, Petrit Kurti tha se ka tentuar të kontaktojë me familjarët e viktimës, por e ka pasur të pamundur. Vëllai i madh 53-vjeçarit të vrarë, Rufat Buci refuzoi këtë kërkesë duke shtuar se këtë çështje ia ka lënë në dorë drejtësisë.<br /><br />?As të mos ma përmendi më njeri këtë punë... As të mos e cojë njeri nëpër mend. Unë nuk kam punë me të. Ai në punë të vet, unë në punë time. Me këtë punë le të merret shteti?, tha Rufat Buci, vëllai i Agim Bucit.<br /><br />Problemi më i madh që aktualisht në familjen Buci mbetet trajtimi shëndetësor i bashkëshortes së Agimit, e cila ndodhet në Spitalin e Traumës. Ajo ka nevojë për dy pllaka platini që duhet t?ia vendosin në këmbë dhe që nuk gjenden. Për këtë shkak Rufati kërkon ndihmë.<br /><br />?I bëjmë një thirrje për ndihmë kryeministrit sepse gjendja është shumë e rëndë. Ajo ka nevojë për një ndërhyrje dy pllaka që nuk gjenden. Nëse mundet të na ndihmojë, në të kundërt do të mbledhim vetë njerëzit dhe t?i paguajmë...?<br /><br />Buci shprehet me shqetësim edhe për gjendjen e djalit 6-vjeçar të të vëllait që pa me sytë e tij skenën e rëndë.<br /><br /> ?Edhe për djalin me duhet një psikolog...?<br /><br /> Kërkimet për armën e krimit në lumin Terkuzë, nuk kanë dhënë rezultat. Për shkak ata janë ndërprerë.<br /><br /> ?Pas tri ditë kërkimesh të policisë së Tiranës për të gjetur armën e përdorur në vrasjen e tregtarit Agim Buci, ato janë ndërprerë.?<br /><br /> Në policinë e kryeqytetit thonë se mungesa e armës nuk do të pengojë hetuesit për të dokumentuar krimin. Sipas tyre, të akuzuarit e kanë pranuar krimin ndërsa janë gjetur rrobat e përdorura në krim si dhe janë administruar pamjet e kamerave të sigurisë.
