Detaje tronditëse janë zbardhur nga vendi ku ndodhi aksidenti tragjik në Kurbin. Një qytetar ka kontaktuar në Report Tv, duke theksuar se ky është aksidenti i tretë me pasojë vdekjen në këtë vend.<br /><br />Sipas këtij qytetari, vetëm një vit më parë dy familje, në tentativë për të larguar një gropë, kanë përfunduar me makinë në kanal, ku për pasojë ka mbetur i vdekur shtetasi Lekë Kola.<br /><br />Ndërkohë, pesë vite më parë, një tjetër aksident tragjik është shënuar në fshatin Adriatik të Kurbinit, në po të njëjtin vend. Në këtë aksident kanë humbur jetën dy persona nga Mamurrasi.<br /><br />Shkak për këto ngjarje tragjike, që kanë tronditur jo pak Kurbinin dhe mbarë opinionin publik, është bërë rruga jashtë standardeve, pa anësore dhe me gropa. Janë 7 km rrugë tërësisht e dëmtuar dhe problematike, që kanë shkaktuar deri më tani 6 viktima.
