http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Greqia është angazhuar maksimalisht për negociatat me Shqipërinë për çështjen e kufirit detar, duke zgjedhur ekspertët më të njohur në vendin fqinj. Mes grupit të palës greke bien në sy tre emra që edhe më herët janë marrë me këtë problem.<br /><br /><br /><br />Ata ishin një ditë më parë në tryezën e parë të negociatave që u zhvilluan në Tiranë.<br /><br /><br /><br />Vizion plus ka mësuar se tre ekspertët kryesorë të palës greke janë: Petros Liakuras, Kristos Rozakis dhe Efthimios Papastavridhis.<br /><br /><br /><br />Liakuris është profesor i së drejtës ndërkombëtare dhe është pjesë e grupit të punës për përcaktimin e kufirit detar me Shqipërinë prej vitit 2015.<br /><br /><br /><br />Ka kryer studimet në Harvard ku është specializuar për negociata në teori dhe praktikë. Rozakis është profesor në Universitetin e Athinës, diplomat dhe gjyqtar. Ai ka qenë në detyrën e Nënkryetarit të Gjykatës Evropiane të të Drejtave të Njeriut.<br /><br /><br /><br />Ndërsa Papastavridhis është jurist dhe është specializuar për të drejtën ndërkombëtare detare.<br /><br /><br /><br />Takimi i parë mes ekspertëve zgjati rreth 8 orë dhe takimi i ardhshëm pritet të jetë së shpejti në Athinë. Ndërsa ditën e enjte dhe të premte Ministri për Europën dhe punët e jashtme Ditmir Bushati do të zhvillojë një vizitë dy ditore në Seanik ku do te takohet me homologun grek Kotzias.
