Subscribe në Ora News këtu http://bit.ly/1s5j7UT<br />Policia italiane ka zbardhur sot detajet e operacionit të ekzekutuar më datë 30 prill në ujërat e Adriatikut ku u sekuestrua një gomone më marijuanë e trafikuar nga Shqipëria dhe u vunë në pranga 4 skafistë shqiptarë.<br /><br />Operacioni u drejtua nga policia financiare e Romës në bashkëpunim me atë të Puglias dhe u ekzekutua nga roja bregdeatre e Tarantos dhe e Barit.<br /><br />Operacioni nisi në ora 2.00 duke u gdhirë data 30 prill pasi trupat ajrore dhe detare të agjensisë europiane Frontex identifikuan në ujërat e Adriatikut një gomone të ngarkuar më lëndë narkotike që po lundronte me shpejtësi të madhe drejt brigjeve pulieze. <br /><br />Gomonia me drogë u lokalizua në brigjet e Brindizit. Roja bregdetare italiane në ndihmë dhe të një helikopteri u vunë në ndjekje të gomones. <br /><br />Skafistët sapo kuptuan se ishin pikasur nga policia italiane nisën të hidhnin në det lëndën narkotike.<br /><br />Pas disa minutash ndjekje, roja bregdetare italiane mundi të ndalojë mjetin lundrues.<br /><br />Në përfundim të operacionit në gomone u sekuestruan 105 pako me marijuanë dhe 10 pako të tjera në det të hedhura pak më parë nga skafistët.<br /><br />Sasia e marijuanës së sekuestruar është 2517 kg. Sipas Financës Italiane kjo sasi droge do të sillte një përfitim tregu prej 20 milionë euro.<br /><br />Në gomone u gjet dhe një armë tip kalashnikov me 30 fishekë si dhe u ndaluan 4 skafistët shqiptarë të gjithë nga Vlora.<br /><br />Skafistët e ndaluar janë ; M. B. 40 vjeç X. H. 30 vjeç, B. R. 30 vjeç C. S. 37 vjeç. <br /><br />Dy prej tyre janë me precedent penal për trafik lëndësh narkotike.<br /><br />Gomonia e ndaluar është e gjatë 10 metra dhe e pajisur me dy motora të fuqishëm jashtë bordit.<br /><br />Ndaj 4 skafistëve rëndon akuza e trafikut ndërkombëtar të drogës e mbajtje pa leje armësh luftarake. <br />Për më shumë lexoni në:<br />http://oranews.tv/article/droga-e-kapur-ne-adriatik-me-vlere-20-mln-euro
