Subscribe në Ora News këtu http://bit.ly/1s5j7UT<br /><br />PD thotë se kapja e 2.5 ton kanabis në Itali është provë e lidhjes së qeverisë me trafikun e drogës. Në një dalje për mediat nga selia blu, deputeti Enkelejd Alibeaj tha se kapja e tonelatave me drogë nga Guardia di Financa sfidon policinë dhe radarët shqiptarë. <br /><br />Deklarata e Alibeajt<br /><br />Kapja e një tjetër sasie rekord lënde narkotike nga Shqipëria në brigjet e Italisë, është një provë e fortë e lidhjes së qeverisë me trafikun e drogës.<br /><br />Gomonia me 2.5 ton Canabis Sativa ka kaluar nën hundën e policisë shqiptare dhe para syve të radarëve, për t?u kapur vetëm nga autoritetet italiane të cilët prej kohësh janë në gadishmëri të plotë dhe në gjendje alarmi nga droga shqiptare.<br /><br />Kjo është e disata herë që brenda pak kohësh mjetet lundruese të nisura nga Shqipëria nisen me tonelata drogë drejt Italisë dhe kapen nga Guardia di Financa duke sfiduar policinë dhe radarët shqiptarë .<br /><br />Dhe në fakt nuk ka si ndodh ndryshe, kur vendi qeveriset nga një kryeministër vëllai i të cilit është i përfshirë direkt në trafikun e kokainës.<br /><br />Kjo ndodh në vendin ku vëllai i ministrit të Brendshëm është i dënuar në Itali për trafik droge, por mbrohet nga qeveria dhe nuk ekstradohet për tu përballur me drejtësinë e vendit fqinj.<br /> <br />Për më shumë lexoni në: http://oranews.tv/article/pd-gomonia-me-25-ton-kanabis-ne-itali-prove-e-lidhjes-se-qeverise-me-trafikun-e-droges
