Subscribe në Ora News këtu http://bit.ly/1s5j7UT<br />Policia shqiptare ka zbardhur detaje të reja në lidhje me arrestimin e biznesmenit Arbër Çekaj në Gjermani, i dyshuar si porositës i ngarkesës me banane në të cilat u gjetën 613 kg kokainë në shkurt të këtij viti. <br />Pas vëzhgimit disa mujor, policia gjermane kishte lokalizuar në një banesë dy-katëshe në Dyseldorf, një shtetas me emrin Arbër Jansen, për të cilin kishte dyshime se ishte personi i kërkuar nga Prokuroria e Krimeve të Rënda për kokainën në Durrës. <br /> <br /><br />Dy javë më parë, dy hetues nga Shqipëria kanë shkuar në Gjermani dhe bashkë me policinë vendase, kanë mbajtur në vëzhgim të dyshuarin deri të premten kur u bë arrestimi i tij në banesën ku jetonte prej disa muajsh.<br /><br /> <br />Mësohet se në momentin e arrestimit, biznesmeni i bananeve nuk ka bërë rezistencë dhe nuk ka tentuar të largohet ndërsa policia thotë se ai fshihej me identitet të ndryshuar pasi kishte marrë mbiemrin e gruas daneze me të cilën jetonte.<br /><br /> <br />Arbër Çekaj u largua nga Shqipëria më 27 shkurt, vetëm 24 orë para kapjes në Durrësit të kontenierrit të porositur nga kompania e tij Arbri Garden, ku u gjetën 613 kg kokainë. <br /> <br />Gjatë qëndrimit në Gjermani, biznesmeni ka ndërruar të paktën dy banesa me qëllimin për ti shpëtuar ndjekjes policore. <br /><br /> <br />Pas arrestimit, Çekaj pritet të merret në pyetje në Gjermani dhe më pas ti nënshtrohet procedurës së ekstradimit në Tiranë ku do të përballet me Prokurorinë e Krimeve të Rënda. <br /><br /> <br />Pas kapjes së kokainës në banane në magazinën e Arbër cekajt në Maminas, u arrestuan shoferi i kamionit Armano Pezaku dhe menaxheri i magazinës Donaldo Lushaj, të cilët nuk e kanë pranuar se kanë patur dijeni për drogën.<br /><br />Ata janë lënë nga gjykata në masën "arrest me burg" masë të cilën e kanë ankimuar edhe ne të gjitha shkallët e tjera të gjyqësorit. <br />Për më shumë lexoni në:<br />http://www.oranews.tv/article/arrestimi-kokainen-arber-cekaj-ne-gjermani-me-identitet-tjeter
