Një atentat me armë zjarri ka ndodhur sot në fshatin Daragjat të Shkodrës.<br /><br />Nga informacionet paraprake mësohet se ka mbetur i plagosur biznesmeni Xhevat Vataksi.<br /><br />Ky i fundit është sipërmarrës në sektorin e ndërtimeve, të hotelerisë dhe hekurudhave.<br /><br />Vataksi është 60 vjeç dhe për momentin ndodhet në spitalin e Shkodrës, ku është jashtë rrezikut për jetën.<br /><br />Biznesmeni është qëlluar në këmbë dhe autori i ngjarjes është identifikuar nga policia si shtetasi 43-vjeçar Artur Lushi.<br /><br />Uniformat blu janë vënë në kërkim të tij.<br /><br />Plagosja ka ndodhur në kantierin e ndërtimit të Xhevat Vataksit dhe dyshohet se shkak për atentatin është bërë një konflikt pronësie mes dy personave.<br /><br />Artur Lushi është pronar i një lokali.
