Plagoset me armë zjarri biznesmeni i ndërtimit në Shkodër, Xhevat Vataksi. <br /><br />Ngjarja ka ndodhur rreth orës 12 e 30 minuta, në afërsi të fshatit Berdicë. Ndërsa i dyshuar si autor i kësaj plagosje është Artur Lushi, edhe ai biznesmen i zonës. Sipas të dhënave të para nga ana e policisë dyshohet se plagosja ka ndodhur pas një debati të çastit mes të dyve ndërsa nuk dihen ende motivet.<br /><br />Xhevat Vataksi njihet në Shkodër si një biznesmen serioz dhe pa konflikte me persona të tjerë, është kontraktuar që me firmën e tij të ndërtimit të kryejë punime në segmentin rrugor Shkodër-Velipojë si nënkontraktor.<br /><br />Ndërsa ngjarja ka ndodhur në një zonë ndërtimi ku autori i dyshuar po ndërtonte disa magazina. Nuk dihet ende se cilat janë shkaqet që kanë çuar deri në konfliktin mes dy personave, pasi të dy njihen si persona pa konflikte.<br /><br />Nga sa mësohet 60 vjeçari Xhevat Vataksi ka marrë një plumb në këmbë dhe ndodhet jashtë rrezikut për jetën në Spitalin Rajonal të Shkodrës, ku i është nënshtruar ndërhyrjes kirurgjikale. Nga ana tjetër policia po punon për kapjen e autorit të dyshuar dhe sqarimin e rrethanave të këtij krimi.
