Subscribe në Ora News këtu http://bit.ly/1s5j7UT<br /><br />Fermerët e 16 fshatrave të Lushnjes kanë zhvilluar një protestë paqësore duke hedhur në mënyrë demonstrative lakrat në rrugë.Ata kanë bllokuar kryqëzimin e rrugës nacionale Lushnjë-Berat, ku edhe kanë ngritur një sërë shqetësimesh siç janë mungesa e tregut, përfitimi i ulët nga subvencionet si dhe infrastruktura e shkatërruar.<br /><br />Fermerët e Myzeqesë kanë protestuar në kryqëzimin e rrugës nacionale Lushnje- Berat për problematikat me të cilat përballen çdo ditë, duke hedhur në rrugë lakrat.<br /><br />Protestuesit, banorë të 16 fshtrave kanë ngritur si shqetësim infrastrukturën e dobët si dhe mungesën e tregut për prodhimet bujqësore.<br /><br />Fermeri: Nuk ka treg, nuk u shit asnjë kilogram.Ajo që u shit, u shit 30 lekë të vjetra kosto.<br /><br />Fermeri: As rrugë, as kanale, asgjë. Erdhën dhe bënë një kanal 1 km të gjatë, e kanë lënë për 100 metra.<br /><br />Fermerët u ankuan edhe për kriteret e vendosura për subvencione.Nga 579 fermerë që aplikuan në këtë zonë, vetëm 350 u shpallën përfitues.<br /><br />Fermeri: Subvencionimet që japin këta, vendosin ca kritere që as një fermer nuk i plotëson dot.<br /><br />Kjo protestë u mbështet edhe nga deputetë të Partisë Demokratike. Myslim Murrizi kërkoi më shumë lehtësira për fermerët.<br /><br />Murrizi: Një kuintal lakra është 3000 lekë të vjetra, preshi është kalbur dhe përmbysur në parcelë. Nga çfarë u premtua që në 2013 dhe 2017, subvensione në bujqësi, heqja e TVSH-së për imputet bujqësore, heqja e TVSH-së për naftën, plehrat, absolutisht asgjë veç taksa të larta.<br /><br />Fermerët e Myzeqesë kanë paralajmëruar se do të zhvillojnë të tjera protesta për të sensibilizuar qeverinë për problemet me të cilat po përballet bujqësia shqiptare.<br /> <br />Për më shumë lexoni në:<br />http://oranews.tv/article/fermeret-e-myzeqese-ne-proteste-hedhin-prodhimet-ne-rruge
