Deputetja e Lëvizjes Socialiste për Integrim, Silva Caka, është në pritje të fëmijës së saj të dytë dhe këtë fakt ajo e ka bërë publik për herë të parë në studion e emisionit ?Rreze Dielli? në Report TV ku ishte e ftuar të gatuante në këndin e gatimit me Zonjën Tefta.<br /><br />Caka tregoi se edhe fëmija i dytë do të jetë djalë dhe se është e lumtur për këtë fakt pasi djali i saj i parë, tashmë 2 vjeç do të ketë një vëlla dhe një shok.<br /><br />?Nuk e pata fare problem që është djalë, dhe nuk është se doja patjetër vajzë, madje nuk kisha ndonjë dëshirë për gjininë. Por jam e kënaqur që djali do të ketë një vëlla dhe një shok?, tha Caka duke ju përgjigjur interesit të dy moderatorëve për shtatzëninë.<br /><br />Caka tregoi gjithashtu se ka shumë ndihmë nga nëna e saj, gjyshja dhe vjehrra të cilat e kanë ndihmuar në rritjen e djalit ndërsa ajo ka patur kështu mundësinë të angazhohet në politikë me kohë të plotë. Madje ajo u shpreh e lumtur që djali ka 3 palë gjyshër, përfshirë dhe gjyshërit e saj, që kujdesen për të e madje e llastojnë me dashuri e përkëdhelje.<br /><br />Caka pohoi se do të lindë në shtator dhe do të ketë kohën e mjaftueshme për të marrë veten pas lindjes e për tu angazhuar më pas në fushatë dhe zgjedhjet e ardhshme lokale që mbahen në 2019-ën.<br /><br />Madje ajo ka rrëfyer detaje nga periudha pas lindjes së fëmijës së parë, që përkoi pothuajse në një kohë me koleget e saj brenda LSI-së, Klajda Gjosha dhe Erisa Xhixho ku që të treja politikanet e reja qëndruan shumë pak kohë me leje lindje për shkak të angazhimit politik.
