Subscribe në Ora News këtu http://bit.ly/1s5j7UT<br />Takimeve të së hënave që vazhdon të bëjë Aleanca për Mbrojtjen e Teatrit Kombëtar, u janë bashkuar deputetë dhe anëtarë të këshillit bashkiak në krahut opozitar.<br /><br />Kreshnik Çollaku: "Në këshillin bashkiak të Tiranës kauza e teatrit përsa mbetet tek votat tona e ka të fituar. Ata kurrë nuk do të marrin votat tona për të kaluar në vend tjetërsimi apo vënie në përdorim të truallit ët teatrit. <br /><br />Opozitarët e kanë ngriur zërin në mbrojtje të teatrit edhe në komisionin e medias ku kanë parashtruar ekspertizën e tyre ligjore, por ministrja e Kulturës, Kumbaro ka refuzuar të përgjigjet. Prandaj e gjithë energjia për rezistencë duhet të shkojë tek protestat e pandërprera qytetare.<br /><br />Luçjano Boçi: Sot e gjithë çështja është do fitojnë kullat apo teatri. Bindja ime është se ka për të fituar teatri<br /><br />Taulanta Jupi, Aleanca për Mbrojtjen e Teatrit: Nuk duhet të lejojmë të flemë gjumë gjatë verës pasi të jeni të bindur se aty do të ndodhë një kataklizmo. Unë mendoj që duhet të futemi në grevë urie.<br /><br />Organizatorët e këtyre takimeve shfaqën për të pranishmit në teatrin eksperimental një video të vitit 2002 kur diskutohej shembja e teatrit. Patën rast të rishohin figurën frymëzuese të Agim Qirjaqit. Patën rast të shohin edhe qëndrimin e Arben Kumbaros, vëllait të ministres së Kulturës, tërësisht indiferent sot.<br /><br />Arben Kumbaro: "Unë jam absolutisht kundra idesë së marrëdhënies së biznesit privat me pronën publike"<br /><br />Ndrenika me sa duket vazhdon të reflektojë ende për pëlqimin e shumëpërfolur që ai i pati dhënë fillimisht projektit të Bjorke Ingels në zyrën e kryebashkiakut. Mesazhi i tij sot është i qartë.<br /><br />Robert Ndrenika: "Ne që kemi 70-80 vjet këtu, që me familje, Sandër Prosi, Prokop Mima, Loro Kovaçit, nuk është gjynah të vijnë 3-4 biznesmenë dhe të thonë që është e jona? Ta marrin pa para dhe ta shesin 10 mijë euro metrin katrorë të sipërfaqes së tij. Dhe kjo mendoj unë nuk ka logjikë. Prandaj ne të mbrojmë tokën e këtij Teatri se është e jona, është e komunitetit.<br /><br />Ashtu 16 vjet më parë kur 50 deputetë shprehën vullnetin kundër shembjes së Teatrit Kombëtar, Aleanca i ka ftuar deputetët sot të lënë një dokument, një peticion të firmosur që i angazhon ata moralisht për një premtim në mbrojtje të trashëgimisë. <br />Për më shumë lexoni në:<br />http://oranews.tv/article/kumbaro-16-vjet-me-pare-jam-kunder-ppp-ve
