Kjo është video e fundit që ka postuar Fatjon Fejzillari, 30-vjecari, i cili prej 10 ditësh është zhdukur në rrethana misterioze me një shumë parash në qytetin e Lacit.<br /><br />Bashkëshortja e tij Selena rrëfen bisedën e fundit me të.<br /><br /> "Më tha mua nuk do vij, do shes të shtunë e të dielë se ka punë, dhe do vij të hënën. Unë fola të shtunën në orën 08:00, i thashë Fatjon çfarë po bën. Tha jam duke shitur, ik mos më bezdis në telefon, do të marr vet tha".<br /><br /> Ajo apelon për ndihmë dhe kërkon që të bëhen përpjekje nga policia për gjetjen e bashkëshortit të saj.<br /><br />"Mund ta kenë hedhur në ndonjë lumë, mos e kanë goditur me ndonjë gjë mbrapa koke ose mos e kanë vrarë ose e mbajnë lidhur".<br /><br /> Ndryshe nga shoku i të zhdukurit, Selena shprehet se Fationi ishte nisur që prej 22 Prillit drejt Shkodrës dhe Lezhës për të shitur.<br /><br /> "Ai biles kur ka marrë mallin për herë të fundit, ka qenë me mua te Medresea, me gjithë shokun. Mori 1 milionë Lekë Sandri, 1 milionë Lekë Fatjoni. Shkova në Peqin, mua më sollën këtu. Në Peqin i qepën të nesërmen më 22 Prill edhe iku".<br /><br />Vajza e vogël, fëmija i vetëm i çiftit, kërkon çdo ditë të atin, ndërsa puth foton e tij.
