http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Kryeministri Rama ka paralajmëruar ndryshime në politikat fiskale për bizneset me xhiro deri në 8 milionë lekë, të cilat paguajnë 5% taksa. Gjatë takimit në Laç, kreu i qeverisë tha se kjo masë merret në mënyrë që biznesi të tregohet më i ndershëm në deklarime.<br /><br /><br /><br />?Nuk ka asnjë biznes i vogël në Shqipëri që bën xhiro aq sa deklaron. Gënjejnë. Zgjidhja është shumë e thjeshtë. Nuk jemi ata që po shtrëngojmë më të dobëtit. Ne do të rrisim pragun nga 8, midis 120 130 140 dhe paguan po 5%. Lopa për t?u mjelë është tjetërkund, është biznesi i madh që fshihet pas të voglit?.<br /><br /><br /><br />Në takimin me qytetarët, shefi i qeverisë vuri theksin tek investimet në infrastrukturë, duke theksuar se projektet madhore i përkasin veriut të vendit.<br /><br /><br /><br />?Një gjë do i them maskarenjve që i bien daulles veri-jugu. Programi 1 miliardë për rindërtim ka 4 projekte. Janë 3 nga 4 projekte që do ndërtohen të gjitha brenda këtij mandate dhe janë në pjesë veriore. Ndërkohë që i vetmi për jugun është rruga nga dalja e Vlorës deri në Llogara, që është më pak i kushtueshëm. Janë më shumë se 75% e fondit që shkon nga TR e lartë. Kjo është maskarenjtë që i bien kësaj daulle?.<br /><br /><br /><br />Një masë për të ulur tarifat në aeroportin e vetëm ndërkombëtar, atë të Rinasit, sipas kryeministrit është ndërtimi i aeroportit të Vlorës.<br /><br /><br /><br />?Rinasi është kontratë koncesionare. Çmimet e Rinasit ulen duke ndërtuar një aeroport tjetër. Nëse Rinasi është me tarifat më të lara në gjithë Ballkanin, ne duam një aeroport me tarifat më të ulëta të Ballkanit?.<br /><br /><br /><br />Rama pranoi se mbetet ende shumë për të bërë, por theksoi se nuk ka të krahasuar me momentin kur socialistët morën pushtetin, kur u përballën me një gropë qindra miliona dollar borxhe ndaj kompanive private.
