Subscribe në Ora News këtu http://bit.ly/1s5j7UT<br />Pas suksesit në Shkodër, Shfaqja Gomari i Babatasit bazuar në një prej kryeveprave të At Gjergj Fishtës do të ngjitet për tri netë në skenën e Teatrit Kombëtar. Trupa prej 60 aktorësh e teatrit Migjeni tashmë është vendosur në kryeqytet, ku pret në Teatrin Kombëtar edhe vetë politikanët të cilëve u drejtohen ironia dhe mesazhet e forta fishtiane.<br /><br />Po zhvenndosen nga teatri "Migjeni" i Shkodrës drejt atij kombëtar në Kryeqytet.<br /><br />Aktorët shkodranë kanë marrë mbi supe sfidën e madhë, ti shkojnë më pranë politikës shqiptare me Gomarin e Babatasit, kryeveprën e at Gjergj Fishtës.<br /><br />Rita Gjeka, drejtoreshe e teatrit ?Migjeni?: Lidhim shkurt gomarin në Teatrin Kombëtar sepse Teatrin Kombëtar është qendra e Tiranës dhe në qendër të Tiranës ka shumë prej tyre që do ta gjejnë veten brenda gomarit të Babatasit. <br /><br />Eshtë pikërisht kritika Fishtjane me akuzat e forta mbi deputetet, ministrat dhe zyrtarët që përfshin mallkimin, ironinë e sarkazmën që këtë here nën gegnishte do ti flasë një publiku të gjërë për 3 netë me radhë në teatrin Kombëtar.<br /><br />Rita Gjeka, drejtoreshe e teatrit Migjeni: Ai që dëgjon monologun e Babatasit, kushdoqoftë edhe më i korruptuari, të paktën ndërgjegja ka për ta vrarë, ose një spektator i thjeshtë ndihet më i mirë kur të dalë nga shfaqja.<br /><br />Aktorët presin që politika do ti bashkohet kesaj shfaqje pasi mesazhi që ajo përcjell kërkon edhe një reflektim të gjërë, pikësëpari nga nga ata që kanë në duar fatin e vendit.<br /><br />Rita Gjeka, drejtoreshe e teatrit Migjeni: Satira e Fishtës i bën të mendojnë disi, si ka mundësi që ne nuk e kemi ndërruar një qime për 100 vjet. <br /><br />Nuk është e lehtë të zhvendosesh një trupë prej 60 personash, por Gjeka beson se edhe këtë sfidë do ta kalojnë me sukses, për të mos u ndalur me kaq.<br /><br />Rita Gjeka, drejtoreshe e teatrit Migjeni: E vështirë është me 60 vetë, megjithatë asgjë nuk është e pamundur.<br /><br />Kuvendi i Shqipërisë këtë herë do ngjitet me skenat e tij, në teatrin Kombëtar për 1 orë e 30 minuta në 11 - 12 dhe 13 Maj <br />Për më shumë lexoni në:<br />http://oranews.tv/article/gomari-babatasit-vjen-ne-tirane-ftohen-politikanet-ta-shohin
