http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Gjykata e Lezhës vendosi që kryetari i bashkisë, Fran Frrokaj të jetë i lire dhe të paraqitet dy herë në muaj tek policia gjyqësore. Por kryebashkiaku i Lezhës deri dje në arrest shtëpie, nuk mund të largohet jashtë shtetit.<br /><br /><br /><br />Seanca gjyqësore është zhvilluar me dyer të mbyllura, ndërsa kryebashkiaku është përfaqësuar nga avokati tij i cili ka kërkuar rishqyrtim të masës së arrestit, gjë që në fund u pranua nga gjykatësi Artan Hajredinaj.<br /><br /><br /><br />Frrokaj bashkë me disa zyrtarë të bashkisë u ndaluan më 16 mars në një aksion për abuzimin me tokat në Shëngjin dhe në zonën e quajtur Rana e Hedhun.<br /><br />Kryebashkiaku dhe vartësit e tij akuzohen për shpërdorim detyre dhe për falsifikim të dokumenteve zyrtare.<br /><br />Prokuroria dyshon se ata kanë ndryshuar zërin kadastral të një pjese të madhe të plazhit tek Rana e Hedhun.<br /><br />Më pas, ata e kanë ndarë tokën me ligjin 7501 tek disa familje. Sipërfaqja e përfituar në këtë mënyrë llogaritet në mbi 234 mijë metra katrore.
