http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Te enjten opozita akuzoi Fatmir Xhafen se ka mbrojtur vëllain e tij jo vetëm ne rolin e ministrit te brendshëm por edhe gjate periudhës kur ushtronte detyrën e kryetarit te komisionit te ligjeve. Sipas partisë demokratike Xhafaj ka ndryshuar ne mënyrë te paligjshme nenin 491 te kodit te procedurës penale duke garantuar lirinë e Agron Xhafajt.<br /><br /><br /><br />Fatmir Xhafaj ka konsumuar veprat penale të korrupsionit të zyrtarit të lartë dhe të falsifikimit të dokumenteve zyrtare.<br /><br /><br /><br />Për te provuar këtë PD është kthyer pas ne kohe, ne marsin e vitit 2017 kur ne komisionin e ligjeve diskutohej kodi i procedurës penale por PD mungonte për shkak se ne atë periudhe ishte ne çadër.<br /><br /><br /><br />Ashtu si te gjitha ligjet e reformës ne drejtësi edhe kodi i procedurës penale është hartuar nga grupi i eksperteve te nivelit te larte. Ky draft parashikonte qe ne rastet kur personi i dënuar nuk pranonte ekstradimin atëherë ai e vuante dënimin ne Shqipëri. PD ka kontrolluar procesverbalin e komisionit te ligjeve te datës 20 mars, dokument nga i cili rezulton se ky nen është miratuar pa ndryshime.<br /><br /><br /><br />Falsifikimi sipas PD ka ndodhur gjate rrugës qe ky ligj ka bere nga komisioni i ligjeve ne parlament, moment kur Fatmir Xhafaj ka falsifikuar nenin 491dhe deputetet kane miratuar një tjetër version i cili parashikon qe ekstradimi ndodh vetëm kur shteti kërkues jep garanci për rishikimin e vendimit e nuk flet për vuajtje te dënimit ne Shqipëri.<br /><br /><br /><br />Faktet e parashtruara më sipër vërtetojnë se ky version, që është kontrabanduar për miratim seancës plenare në datën 30.03.2017, nuk është produkt i diskutimeve në mbledhjet e Komisionit Parlamentar të Ligjeve.<br /><br /><br /><br />Ndryshimi sipas këtij versioni të miratuar, është bërë pas votimit nga Komisioni, personalisht nga Kryetari i Komisionit Fatmir Xhafaj. Është e qartë se pas këtij ndryshimi fshihet një dhe vetëm një çështje. Shpëtimi i Agron Xhafajt nga drejtësia.<br /><br /><br /><br />Sipas PD fale këtij neni Agron Xhafaj është i mbrojtur pasi Italia, vetëm në raste krejtësisht përjashtimore jep garanci për rishikim te çështjes ndërkohë qe Agron Xhafajt kjo kërkesë i është rrëzuar nga Gjykata e Kasacionit në Itali.
