Subscribe në Ora News këtu http://bit.ly/1s5j7UT<br />Ndotje masive me vajra dhe karburant është evidentuar mëngjesin e sotëm në Portin e Ri të Peshkimit në Durrës. Ndotja dyshohet se ka ardhur nga një prej anijeve të flotës së peshkimit të vendosur aty prej nëntorit të vitit të kaluar. Por Organizata e Menaxhim Peshkimit ngre alarmin se fenomeni është i përsëritur dhe pasojë e të qenit pa administrim, pasi investimi ende nuk është marrë në dorëzim nga Ministria e Bujqësisë.<br /><br />Kjo ishte gjendja në portin e ri të peshkimit mëngjesin e kësaj të premteje.<br /><br />Deti është ndotur me vajra dhe karburante.<br /><br />Ishin vetë peshkatarët që ngritën alarmin mbi këtë situatë të përsëritur brenda basenit ujor të portit të ri të peshkimit.<br /><br />Jashtë kamerave, ata thonë se janë hedhur fuçi vaji dhe plehra në mes të portit.<br /><br />Ndotja dyshohet të jetë shkaktuar nga njëra prej anijeve të flotës së peshkimit që është zhvendosur pjesërisht këtu që nga nëntori i vitit të kaluar.<br /><br />Pavarësisht situatës askush nuk mban përgjegjësi pasi ky port mbetet ende pa administrator për shkak të burokracive ligjore.<br /><br />Ky investim nuk është marrë ende në dorëzim nga peshkimi pavarësisht se anijet prej muajsh janë ankorur këtu.<br /><br />Peshkatarët thonë se mbeten peng i procedurave burokratike.<br /><br />Një situatë alarmante ekologjike për të cilën Organizata e Menaxhim Peshkimit e ka ngritur si shqetësim prej ditesh por askush nuk po ndërhyn.<br /><br />Të qenit pa administrator e ka lënë portin e ri të peshkimit jashtë mbikqyrjes së strukturave mjedisore.<br /><br />Basëni ujor i portit të peshkimit është ndotur masivish edhe më herët nga derdhjet e hidrokarbureve në det por edhe nga mbetje te tjera.<br /><br />Kuti, shishe plastike, kanace pijesh te ndryshme si dhe një sere mbetjesh të tjera jane perhapur në te gjithe siperfaqen ujore<br /><br />Burime të Ora News thanë se Inspektoriati i Mjedisit pranë Portit të Durrësit pritet të nisë një hetim për të zbuluar ndotësit, ndërsa materialet më tej do t'i dërgohen prokurorisë<br />Për më shumë lexoni në:<br />http://oranews.tv/article/vajra-dhe-karburant-ndotet-porti-i-peshkimit-ne-durres
