Subscribe në Ora News këtu http://bit.ly/1s5j7UT<br /><br />Ermir Simoni 43 vjeç nga Vau Dejësi, mbeti i plagosur me armë zjarri rreth orës 12.30 minuta të së premtes, 11 maj 2018. <br /><br />Ai ka qënë duke punuar në servisin e makinave që ka në pronësi me të vëllanë, pranë hidrocentralit të Vau Dejësit, kur persona ende të paidentifikuar e kanë qëlluar e më pas janë larguar nga vendi i ngjarjes.<br /><br />Sipas grupit hetimor nga verifikimet e para dhe dëshmitë e marra prej punonjësve të servisit, autorët kanë mbërritur dy herë brenda ditës në këto mjedise. Fillimisht në orët e para të mëngjesit ato kanë qënë duke lëvizur me një mjet tip Benz, kur kanë kërkuar takim me të vëllain e 43 vjeçarit, e më pas rreth orëve të drekës ato kanë ardhur me një furgon. <br /><br />Pasi ka patur një debat në mjediset e brendshme janë dëgjuar të shtëna me arme, ku është qëlluar me pistoletë 43 vjeçari Simoni, si dhe janë goditur punonjësit e tjerë. <br /><br />Pas ngjarjes ata janë larguar në drejtim të paditur, ndërkohë që 43 vjeçari është dërguar me urgjencë në spitalin rajonal të Shkodres, ku ndodhet jashtë rreziku për jetën. <br /><br />Hetimet vijojnë nga policia lokale, ndonëse ka vështirësi për identifikimin e autorëve, pasi sipas dëshmive të para të punonjësve të servisit nuk janë nga zona e Vau Dejësit. Gjithashtu problem është edhe fakti se kamerat e sigurisë që servisi kishte të vendosura, nga policia është konstatuar se ishin jashtë funksioni. <br /><br />Për më shumë lexoni në: http://oranews.tv/article/plagosje-me-arme-zjarri-ne-vaun-e-dejes
