Çmimi i karburanteve në tregun vendas ka pësuar një rritje në pothuajse të gjitha pikat e shitjes. Një litër naftë tregtohet nga 3 deri në 5 Lekë më shumë se dy ditë më parë.<br /><br />Në karburante të ndryshme çmimi varion nga 170 Lekë për litër, duke u barazuar në disa raste edhe me vlerën e benzinës, ndërsa në disa pika tregtohet edhe me 177 lekë. <br /><br />Gjatë vitit të fundit nafta në tregun vendas nuk ka pësuar luhatje të mëdha, e madje çmimi i saj ka qënë më i lirë se në vitet e tjera për shkak të uljes së vlerës në bursa. Por e kundërta ka ndodhur pas njoftimit të Presidentit amerikan Donald Trump për tërheqjen e marrëveshjes bërthamore me Iranin. Një fuçi naftë kapi çmimin e 77 Dollarëve në tregjet ndërkombëtare, më të lartën që prej Nëntorit të vitit 2014. Rritja e çmimit në tregjet ndërkombëtare ka reflektuar brenda disa ditësh edhe në Shqipëri.<br /><br />Deri tani askush nuk ka dhënë një vlerësim se si do të jetë situata në të ardhmen, por paralajmërohet një rikthim i vlerës 100 Dollarë për fuçi për shkak të rënies së eksporteve të Iranit dhe prodhimit në Venezuelë.<br /><br />Tv Klan
