Subscribe në Ora News këtu http://bit.ly/1s5j7UT<br />Një ditë pasi u njoh me vendimin e Gjykatës së Krimeve të Rënda, e cila e la në "arrest shtëpie", ish-Ministri Saimir Tahiri një pjesë të mirë të paradites së dielë e kaloi në ballkonin e apartamentit të tij tek 'Kodra e Diellit' në Tiranë. <br />Duke shfletuar shkresa të ndryshme, teksa konsultohej herë pas here edhe me kompjuterin portativ në të cilin po mbante shënime, ish-Ministri është shfaqur duke konsumuar cigare herë pas here. <br />Nga ana tjetër, burime nga Krimet e Rënda thanë se Tahiri do të dalë para gjykatës për procedurën e marrjes në pyetje brenda 72 orëve nga momenti kur iu njoftua masa e arrestit në shtëpi. <br />Në këtë seancë, sipas burimeve të hetimit, ish-Ministri do të pyetet para gjykatës në lidhje me provat e reja që janë gjetur në adresë të tij për akuzat e korrupsionit të zyrtarëve të lartë publikë dhe trafikimit të lëndëve narkotike në formën e grupit të strukturuar kriminal. <br />Organi i akuzës pretendon se një letërporosi e mbërritur nga Italia javët e fundit, përmban përgjime të reja ku anëtarët e grupit të vëllezërve Moisi dhe Artan Habilaj, flasin për Tahirin gjatë kohës që ai ishte Ministër i Brendshëm.<br /><br />Një tjetër provë sipas prokurorisë, janë letërporositë e ardhura nga Greqia në lidhje me një udhëtim të Saimir Tahirit dhe Artan Habilajt në të njëjtën kohë në këtë shtet në gusht 2014, ku dyshohet se ata janë takuar.<br /><br />Njëri nga prokurorët e çëshjes tha të dielën për Ora News, se krahas letërporosive të ardhura nga Italia dhe Greqia, të cilat konsiderohen si prova të reja, gupi i hetimit ka mbledhur edhe dëshmi mbështetëse brenda dhe jashtë vendit në lidhje me provat e sjella nga autoritetet greke dhe italiane. <br />Sipas prokurorisë kanë qenë provat e reja arsyeja e kërkesës së depozituar në gjykatë për masën e sigurisë "arrest me burg", e cila u pranua pjesërisht nga gjyqtarja Liljana Baku. <br /><br />Avokati i Tahirit, Maks Haxhia, ka deklaruar se akuza nuk ka asnjë provë të re ndërsa ka shtuar se do ta apelojë vendimin brenda afateve ligjore.<br />Për më shumë lexoni në:<br />http://oranews.tv/article/ngujimi-i-tahirit-me-cigare-e-shkresa-ne-pritje-te-marrjes-ne-pyetje
