Subscribe në Ora News këtu http://bit.ly/1s5j7UT<br />Me urdhër të antimafias italiane të qytetit të Triestes janë arrestuar sot në Shqipëri dy krerët e grupit të trafikantëve Keci që vepronte në zonën e Shijakut dhe të Durrësit.<br /><br />Bëhet fjalë për Astrit Kecin dhe Shkëlqim Sufjen. Ata janë arrestuar në Shijak dhe në Lezhë.<br /><br />Ata rezultojnë të jenë anëtarë të grupit "Keci" dhe ishin shpallur në kërkim prej 2006<br /><br />"Hetimet e antimafias italiane kanë vërtetuar aktivitetin e tyre në trafikun ndërkombëtar të drogës përgjatë viteve 1998-2006. Astrit Keci e Shkëlqim Sufja janë arrestuar në banesat e tyre private. <br /><br />"Dy të arrestuarit akuzohen për trafik heroine e kokaine nga vendet ballkanike drejt Europës. Droga trafikohej përmes territorit italain duke përdorur pikat kufitare në rajonin e Friuli Venecia Giulia" informon gazetarja e Ora News në Itali, Alba Kepi. <br /><br />'Astrit Keci dhe Shkelqim Sufja vazhdonin të garantonin eficencën e organizimit të trafikut të sasive të mëdha heroine e kokaine drejt Italisë dhe Europës" shkruan Tg com.<br /><br /> Policia shqiptare pritet të dalë në një konferencë për median lidhur me këto arrestime. Arrestimet u ndërmorën pas një hetimi të gjatë të koordinuar nga Dda e Triestes në bashkëpunim me Antidrogën, zyrën e lidhjes së policisë shqiptare në Bari dhe SKIP, zyra e bashkëpunimit ndërkombëtar të policisë<br /><br />Astrit Keci kusheri i Durim Kecit <br /><br />Gazetari i Ora News në Durrës, Leonidha Musaj informon se Astrit Keci është kushëriri i Durim Kecit, edhe ky ishte shpallur në kërkim nga autoritetet italiane për trafik droge. Durim Keci u arrestua në Shqipëri por pas proceseve gjyqesore në Shqipëri ia arriti të mos ekstradohej dhe sot të jetë i lirë. Ndërkohë Astrit Keci ishte arrestuar në Itali në 2007 por kishte arritur të arratisej dhe më pas të kthehej në Shqipëri<br /><br /><br />Për më shumë lexoni në:<br />http://oranews.tv/article/dy-te-kerkuar-trafik-droge-ne-itali-arrestohen-ne-durres-dhe-lezhe
