Subscribe në Ora News këtu http://bit.ly/1s5j7UT<br />Ish-Ministri i Brendshëm, Saimir Tahiri, do të dalë nesër në 11:00 para Gjykatës së Krimeve të Rënda për verifikimin e masës së sigurisë dhe të merret në pyetje.<br /><br />Këtë herë ish minsitrit do i duhet të shoqërohet me policë nga banesa e tij tek "Kodra e Diellit" për në sallën e gjyqit. <br /><br />Gjyqtare e seancës do të jetë Liliana Baku. <br /><br />Tahiri akuzohet për trafik të narkotikëve në formën e grupit të strukturuar kriminal dhe korrupsion pasiv të funksionarëve të lartë shtetëror në kuadër të hetimeve për dosjen "Habilaj"<br /><br />Prokuroria është shprehur se ka prova të reja për ish ministrin nga letërporositë e Greqisë dhe Italisë dhe dëshmitë e marra brenda dhe jashtë vendit.<br /><br />Gjykata e Krimeve të Rënda dha të shtunën e 12 majit vendimin për masën e sigurisë "arrest shtëpie". Prokurët e çështjes Dritan Prençi dhe Vladimir Mara kërkuan masën "arrest me burg" por gjykata mori parasysh rrezikshmërinë e ulët shoqërore.<br /><br />Avokati i Tahirit, Maks Haxhia por dhe prokurorët kanë paralajmëruar se do të apelojnë vendimin. Ndërkohë zhvillimet e fundit kanë vënë në lëvizje Prokurorinë e Krimeve të Rënda por dhe policinë e shtetit. Drejtuesja e re e krimeve të Rënda zhvilloi mesditën e së hënës, (14 maj) një takim me shefin e sektorit të hetimit të krimit të Organizuar në Policinë e shtetit, Eduard Merkaj. Takimi zgjati rreth një orë. <br /><br />Për më shumë lexoni në: http://oranews.tv/article/saimir-tahiri-neser-para-krimeve-te-renda-mesohet-emri-i-gjyqtares
