Subscribe në Ora News këtu http://bit.ly/1s5j7UT<br />Në Gjykatën e Krimeve të Rënda ka nisur seanca për verifikimin e masës së sigurisë dhe do të merret në pyetje. Gjyqtare e seancës eshte Liliana Baku. <br /><br />Në seancë është i pranishëm vetë Tahiri. Ndërkohë përballë tij janë edhe dy prokurorët e çështjes, mes tyre Besim Hajdarmataj i shkarkuar vetëm pak ditë më parë nga drejtimi i Prokurorise se Krimeve të Rënda.<br /><br />Avokati i Tahirit, Maks Haxhia, ndërsa u fut në Gjykatën e Krimeve të Rënda rreth orës 10:30 tha se do të kërkojë shfuqizimin e vendimit që ka marrë gjykata në ngarkim të klientit të tij.<br /><br />Burime nga prokuroria bëjnë me dije se brenda korrikut dosja pritet të çohet në gjykatë.<br /><br />Tahiri akuzohet për trafik të narkotikëve në formën e grupit të strukturuar kriminal dhe korrupsion pasiv të funksionarëve të lartë shtetëror në kuadër të hetimeve për dosjen "Habilaj".<br /><br />Prokuroria thotë se ka prova të reja<br /><br />Prokuroria është shprehur se ka prova të reja për ish-Ministrin nga letërporositë e Greqisë dhe Italisë dhe dëshmitë e marra brenda dhe jashtë vendit.<br /><br />Gjykata e Krimeve të Rënda dha të shtunën e 12 majit vendimin për masën e sigurisë "arrest shtëpie". <br /><br />Prokurët e çështjes Dritan Prençi dhe Vladimir Mara kërkuan masën "arrest me burg" por gjykata mori parasysh rrezikshmërinë e ulët shoqërore.<br /><br />Edhe prokurorët do apelojnë vendimin<br /><br />Prokurorët kanë paralajmëruar se do të apelojnë vendimin. <br /><br />Ndërkohë zhvillimet e fundit kanë vënë në lëvizje Prokurorinë e Krimeve të Rënda por dhe policinë e shtetit. <br /><br />Drejtuesja e re e krimeve të Rënda zhvilloi mesditën e së hënës, (14 maj) një takim me shefin e sektorit të hetimit të krimit të Organizuar në Policinë e shtetit, Eduard Merkaj. <br />Për më shumë lexoni në:<br />http://oranews.tv/article/saimir-tahiri-neser-para-krimeve-te-renda-mesohet-emri-i-gjyqtares
