Subscribe në Ora News këtu http://bit.ly/1s5j7UT<br />Gjykata e Krimeve të Rënda lë në fuqi masën e sigurisë "arrest shtëpie" të dhënë tre ditë më parë për ish-Ministrin e Brendshëm Saimir Tahiri.<br /><br />Në seancën dy orëshe, ish-Ministri dhe avokati i tij Maks Haxhia nuk arritën të bindin gjyqtaren Liliana Baku për vendosjen e një mase më të lehtë sigurie.<br /><br />Përballë tyre, dy prokurorët e çështjes Vladimir Mara dhe Besim Hajdarmataj thanë se kjo masë sigurie është e domosdoshme pasi rrezikon prishja e provave.<br /><br />Seanca u zhvillua pa pranine e kamerave.<br /><br />Pas vendimit avokati Maks Haxhia shprehu bindjen se ky vendim do të prishet nga Gjykata e Apelit ku do të ankimojnë, pasi sipas tij pretendimet e mbrojtjes janë të argumentuara në ligj.<br /><br />Haxhia: Analizuam gjithë dosjen mbi bazën e të cilës gjykata e shkallës së parë të krimeve të rënda kishte pranuar kërkesën e organit të prokurorisë për caktimin e masës së arrestit në shtëpi, ndryshimi ishte se nuk pranoi kërkesën për arrest me burg.Në gjithë materialin e dosjes së paraqitur nga prokuroria nuk kishte asnjë provë të re që të implikonte me dyshime të arsyeshme të bazuara në prova implikimin e Tahirit në ndonjë vepër penale, përfshirë dhe ato të akuzës.<br /><br /> Skafi me të cilin ka udhëtuar Tahiri me familjen e tij në Greqi është një skaf i një biznesmeni që ja ka marrë hua dhe pasi ka pësuar defekt është kthyer në Shqipëri. Skafi është i blerë sipas të gjitha rregullave. Në drejtësi nuk ka ti thua, unë them, ka unë provoj me argumenta këtë pretendim. Një gjë e tillë nuk është provuar.<br /><br /> <br /><br />Çfarë u tha në seancën me dyer të mbyllura<br /><br />Avokati Maks Haxhia ka thënë që në fillim të seancës se gjithçka është bërë për të denigruar figurën e ish-Ministrit të Brendshëm pasi prokuroria nuk ka asnë provë të re nga ato të disa muajve më parë ku kërkoi pezullimin e pasaportës të ish-Ministrit.<br /><br />Ai ka argumentuar edhe letër-porositë e ardhura së fundmi nga Greqia dhe Italia që sipas tij nuk e fajësojnë direkt ish-Ministrin e Brendshëm.<br /><br />Haxhia dhe Tahiri më pas kërkuan revokimin e masës së sigurisë së dhënë nga gjykata e krimeve të rënda në një masë tjetër më të lehtë sigurie.<br /><br />E menjëhershme ka qenë kundërpërgjigjia e prokurorit Besim Hajdarmataj.<br /><br />Sipas tij kjo masë është kërkuar për faktin se në disa raste është vërtetuar që disa prova janë prishur dhe rrezikon mundësia të prishen dhe prova të tjera. <br /><br />Pasi ka persona të tjerë që nuk janë marrë në pyetje.<br /><br />Hajdarmataj iu referua dëshmisë së një personi që ka në pronësi një mjet të përdorur nga zoti Tahiri në Greqi.<br /><br />Ai tha se ky shtetas pasi është marrë në pyetje nga prokuroria ka pasur një kontakt me ish-Ministrin.<br /><br />Lidhur me këtë, Tahiri tha se vërtet ka pasur një kontakt me këtë person, por thjesht e ka falenderuar dhe i ka kërkuar ndjesë që është bërë objekt i marrjes në pyetje nga organi i akuzës.<br /><br />Prokurori Hajdarmataj përmedi gjithashtu faktin se do bëjë apelim në Gjykatën e Apelit, duke kërkuar vendosjen e arrestit me burg për Tahirin.<br /><br />Akuzat ndaj Tahirit<br /><br />Avokati...
