Subscribe në Ora News këtu http://bit.ly/1s5j7UT<br />Një korriku i këtij viti do të shënojë fundin e tregtimit për ato qese plastike që janë në dëm të mjedisit. Qeset e reja do të jenë të markuara dhe të gjurmueshme, ndërsa subjektet që nuk zbatojnë vendimin do të përballen me penalitete.<br /><br />Qeset plastike, të cilat pas përdorimit përfundojnë kudo në tokë e lumenj, janë një ndër ndotësit kryesor të mjedisit pasi kërkojnë një kohë të gjatë për tu shpërbërë.<br /><br />Ndalimi i importit, prodhimit dhe tregtimit të tyre është hapi i rradhës që qeveria ndërrmer në mbrojtje të mjedisit.<br /><br />Por kjo masë nuk është radikale, në treg do të mbeten ende qese plastike por vetëm ato që janë paqësore me mjedisin.<br /><br />Ornela Çuçi: Do të hiqen nga tregu qeset mbështjellëse dhe transportuese, ato që marrim çdo ditë nga tregu i frutave. Do mbeten në treg qeset që janë për përdorim higjeno-sanitar, qeset e zeza.<br /><br />Zëvendësministrja e Mjedisit, Ornela Çuçi, shpjegon se qeset e reja që nuk do të jenë poshte 35 mikron, do të jenë të markuara.<br /><br />Ornela Çuçi: Qeset pastike këtej e tutje do të jenë të markuara dhe të gjurmueshme.Pra do të dimë ditën e tyre të prodhimit, çfarë biodegraduesi ka brenda, do të dimë gjithashtu dhe markimin se nga kanë ardhur, ku janë prodhuar këto qese.<br /><br />Prodhuesit dhe tregtarët që do të vijojnë të qarkullojnë qese plastike nën 35 mikron pas muajit korrik rrezikojnë gjobë nga 1 deri në 1.5 milionë lekë të rinj.<br /><br /><br />Për më shumë lexoni në:<br />http://oranews.tv/article/stop-qeseve-plastike-nga-1-korriku-do-perballeni-me-gjoba
